Radex BCMS ta wordo actualisa y ta wordo lansa na Aeropuerto Internacional Reina Beatrix

ORANJESTAD-Pa 10 aña, Imigracion Aruba a usa e ‘Border Control System Management’ cu ta Radex BCMS na aeropuerto na Aruba pa sigura un maneho di frontera sigur y efectivo. Dos aña pasa, e desaroyador di Radex, Gamma IT Solutions, a wordo puntra dor di Ministerio di Husticia pa actualisa y modernisa e sistema. Gamma ta orguyoso pa anuncia cu e version actualisa, cu ta un aplicacion completamente nobo cu hopi modulo y interface nobo, hardware nobo, servers y ekipo specialisa, a wordo lansa na Aeropuerto durante e siman di 19 november, 2018.