R.Kelly a keda haña kulpabel di pornografia infantil na Chicago

CHICAGO – Na momentu ku a pensa ku e kaso di R. Kelly kantante di R&B a keda kla despues di haña un sentensia di 30 aña tin mas kargo kontra su persona.
R.Kelly mester a presenta den korte ayera i fiskal Jennifer Bonjean a presenta 13 kargo mas di pornografia infantil kontra e kantante.
Lokual ku ta inkriminá R. Kelly mas den e kasonan aki ta ku e perverso seksual aki tabata graba su esenanan seksual ku e menornan di edat.
Na momentu ku agentenan Federal a tene entrada hudisial na e apartamento di luho di R.Kelly na Chicago komo na New York a bin haña bastante evidensia ku a keda usa ayera den korte.
Un di e senarionan ku a hala atenshon den korte ta na momentu ku huradonan a haña chèns pa wak vários di
e grabashonnan i a nota kon abusador R.Kelly ta.
Den un di e senarionan por a mira R.Kelly tene relashon seksual ku yu di un amigu di dje ku e tabata su padrino.
E kriatura aki tabata un vírgen (14) i R.Kelly a tene relashon seksual kuné estilo animalístiko pa despues bute drumi abou ku e por a urina riba dje.
Tipo di aktonan seksual brutal asina ta pone ku R.Kelly lo pone ku nunka mas elo sali for di prizon konsiderando ku e tin 55 aña di edat kaba.