Putin lo biaha otro siman pa Iran riba un mishon di koperashon

MOSKU – Mohamadreza Purebrahimí presidente di Komishon ekonómiko di Parlamento Iraní a informá ku otro siman presidente Vladimir Putin lo yega Teheran.
Teniendo kuenta ta kuantu sanshon i embargo tin riba Rusia a pone ku Vladimir Putin ta buskando koperashon i aliansa ekonómiko ku Iran.
Mohamadreza Purebrahimí a splika ku durante algun tempu kaba Iran tambe a keda asotá ku sanshonnan di tur forma di parti gobièrnu merikano i paisnan den Union Europeo. Iran a logra surpasá tur e embargonan i sanshonnan aki ku ta nifiká ku tin eksperensia pa por yuda Vladimir Putin ku sufisiente informashon.
Den e kaso aki e prioridat ta pa Vladimir Putin i Ebrahim Raisí presidente di Iran firma akuerdonan di koperashon ku otro.