Putin i Díaz-Canel a inougurá na Mosku monumento di Fidel Castro

MOSKU – Ayera tabata un dia grandi pa historia di Cubanonan kaminda presidentenan Vladímir Putin i Miguel Díaz-Canel a inougurá un monumento di lider di revolushon Cubana Fidel Castro na un plasa den sentro di Mosku.
Ta trata aki di un monumento traha di bròns di tres meter di altura ku ta representá Fidel Castro ku su unifòrm militar.
E monumento ta representá un hòmber ku kurashi ku a sali lucha pa defendé su hendenan i patrimonio di su pais.
Durante Vladimir Putin su diskurso ela bisa ku ela bin ta sigi historia di Fidel Castro for di tempu ku e tabata hóben i ta debí ku lokual ela hasi a pone haña e inspirashon pa bira presidente di Rusia.
Vladimir Putin ta konsiderá Fidel Castro ku tabata un hòmber haltu di estatura komo su ídolo.
Tin indikashon ku e monumento di Fidel Castro a kosta gobiernu di Rusia 20 mion Rublo ku at ekivalente na $333.000.