Internashonal
Putin, Erdogan i Raisi: A reuní ayera na Teheran pa papia riba konsekuensia di e gera na Siria i Ukrania
TEHERAN – Ayera den oranan di atardi presidente Vladimir Putin a aterisá na Teheran kaminda elo a reuní ku Recep Tayyip Erdogan (Turkia) i Ebrahim Raisi (Irán).
E motibu di e reunion importante aki ta pa deliberá prinsipalmente riba e konflikto ku entre Turkia/Siria i naturalmente e gera entre Rusia/Ukrania.
Mester indika ku e gera entre Ukrania i Rusia no solamente a dal aliadonan di Merka i miembronan di OTAN duru sino mundu kompleto ta sufriendo di un impakto den nan ekonomia.
Erdogan a yega Teheran promé ku Vladimir Putin i e keda risibí pa Ebrahim Raisi na e Palasio presidensial Saadabad.
Recep Tayyip Erdogan a sali splika tantu Vladimir Putin komo Ebrahim Raisi ku ta apoyá e régimen di Bashar Al Asad ku si e Sirionan sigi mata sivilnan inosente nan lo bai tin problemanan hopi serio.
E problema ku tin ta ku mas ku 3.6 mion Sirio a hui bai Turkia debí ku e régimen di Bashar Al Asad ta persigi nan.