Putin dispuesto pa koperá ku kualkier pais ku mester di energia

MOSKU – Vladimir Putin presidente di Rusia durante e di VII Foro Ekonómiko Oriental ku a tuma lugá na Vladivostok a bisa ku Rusia ta dispuesto pa koperá ku kualkier pais ku tin mester di energia (gasnatural i kombustibel).
Vladimir Putin a bisa ku tin un konflikto entre Rusia i Ukrania pero ta e sanshonnan ku Merka i paisnan den Union Europeo a bin ta implementá kontra su pais ta pone ku nan no por bende gasnatural i kombustibel manera tabata e kaso den pasado.
Miéntras ku ekonomia di e paisnan ku ta sanshonando Rusia ta keda seriamente afektá.
Den e kaso aki Rusia i China su ekonomia si ta kresiendo ku pasonan grandi i aki Vladimir Putin kier manda un mensahe pa Merka i aliadonan pa stòp di mete i bai traha huntu pa un progreso pa nan komunidat.