PSG a firma akuerdo ku portal di casino 1XBET na Korsou

PARIS. E mundialmente famoso klup di futbol franses den kual Leonel Messi ta militá (ainda) a firma un akuerdo ku e firma di wega di plaka online Kurasoleño 1xBet ku pa kontroversial ku e firma ta, a bira e plataforma regional di PSG na Asia i Afrika.

CasinoNieuws nl. a revelá esaki awe i mesora komentarionan positivo i negativo a lanta kabes pa motibu ku e firma di casino online ta hopi den notisia ultimo añanan.
Fin di aña pasá korte na Kòrsou a deklará 1xBet bankarota pasobra e casino a ninga di paga hendenan ku a pusta plaka via nan plataforma.
E casino online no a manda hende pa defende nan kaso den korte pero den apelashon e firma di casino a haña rason i apesar ku a deklará e casino bankarota na mei, e ta funshonando normal.
NasinoNieuws ku ta spesialisa den e tipo di notisianan aki a refreska memoria di su lesadonan ku e notisia ku na 2019 tambe e firma di casino online a haña un but di 400.000 Euro di e entidat ku ta supervisa wega di plaka na Ulanda.
1xBet a ninga di paga e but i nan a bahé for di e portal kaminda ulandesnan ku ta pusta plaka online por a hasi esei tambe nan a rekorda ku for di 2017 e casino ta riba Black List na Belgika.
Un intento pa haña e ultimo desaroyonan rondó di 1XBet ta indiká ku e no ta disponibel den nos pais. 1XBET tin lisensia di e Gaming Authority di Korsou.