Protesta na Panama a pone ku gobièrnu a baha preis di kombustibel mesora

PANAMA – For di den fin di siman ku a kaba di pasa míles di suidadano Panameño a subi kayanan den sentro di suidat pa bai protesta dilanti palasio presidensial.
E manifestashonnan a dura 5 dia pa asina pone preshon riba presidente Laurentino Cortizo pa e baha preis di kombustibel.
E intenshon di gobièrnu tabata pa na komienso di luna di Yuli oumentá preis di kombustibel di $3,95 pa $5,17.
Na momentu ku ekspertonan finansiero a presenta informashon den medionan di komunikashon ku gobièrnu ta bai gana plaka riba e rekargonan mesora e pueblo a disidí na lanta for di soño i bai manifestá.
Mester bisa ku for di tur gremio a bin protesta kontra e medidanan ku presidente Laurentino Cortizo kier a implementá di subida di preis di kombustibel.
Na momentu ku Laurentino Cortizo a nota ku kosnan lo bai sali for di man ela anunsiá ayera tardi mes ku preis di kombustibel lo no keda oumentá mas.