Protesta dilanti Kas Blanku pa sentensia di aborto na Merka

WASHINGTON – Den fin di siman ku a kaba di pasa míles di hende muhé a bai manifestá atrobe dilanti Kas Blanku pa protesta kontra e desishon ku Korte Supremo a tuma pa eliminá protekshon di aborto legal.
For di aña 1972 tur hende muhé ku ta biba na Merka ku sali na estado i ku kier a hasi un aborto por a bai na kualkier klínika ku ta spesialisá den e prosedura aki.
Na Merka tin míles di e klínikanan aki ku ta habri riba sierto dianan di siman ku un hende muhé ku ta deseá pa abortá tin su derecho.
Mester tene kuenta ku mayoria di e wesnan di korte Supremo ku a vota pa eliminá aborto legal ta di e partido Republikano.
Medidanan ku Joe Biden a tuma pa trata na kambia e desishon ku e wesnan den Korte Supremo a tuma lo no por bai tin ningun efekto segun analistanan.
Esaki ta debí ku konsiderando ku na luna di ougùstùs lo por bai tin un votashon den Kongreso partido Demokrata lo mester di haña 10 Republikano pa sostené nan pa kambia e lei i esaki lo bira algu difísil.
Aworakí lokual ku a keda e hende muhé pa no sali na estado ta pa bebe píldora di aborto of tene relashon seksual ku protekshon.