Prome Minister Evelyn Wever-Croes: Gobierno a tuma decisionnan pa tece alivio na e situación financiero di grandinan

ORANJESTAD-Prome Minister Evelyn Wever-Croes a expresa un otro preocupacion cu Gobierno di Aruba tin ora ta trata nos grandinan. Esaki ta e situacion financiero cu hopi di nos grandinan ta pasando aden ora cu nan baha cu pensioen. Nan entrada ta cay atras. Esnan cu tawata traha y haya un salario y nan doño di trabou nunca a percura pa un pensioen adicional, nan lo haya solamente pensioen di Gobierno. Esaki ta pone cu e pensionadonan aki ta bay considerablemente hopi atras.