Internashonal
Prome minister di Oustralia: Ta denunsia ku un avion di kombate di China a ataka un di nan avionnan di vigilansia
SIDNEY – Anthony Albanese prome minister di Oustralia a denunsia ayera ku den fin di siman ku a kaba di pasa un avion di kombate di Forsa aéreo di China a ataka un avion di vigilansia di Oustralia.
Ta trata aki di un avion di kombate J-16 di forsa aéreo Chino ku a interseptá un avion di vigilansia P-8A Poseidon ku tabata realisando un buelo di patruya. Richard Marles minister di Defensa ku tambe tabata presente den e rueda di prensa ku prome minister di Oustralia a bisa ku e avion di kombate Chino J-16 a bula hopi serka i ku a los dos bola di kandela riba e avion Boeing 737-800 ku a keda konvertí den e avion di patruya..
Ta trata aki di vários kaso di provokashon di parti China ku un di e dianan aki lo kaba malu segun palabranan di Anthony Albanese prome minister di Oustralia.