Internashonal
Prome minister di Hapon Fumio Kishida ta kulpa polis pa morto di Shinzo Abe
TOKIO – Fumio Kishida prome minister di Hapon a ordená pa bin un investigashon riba e kaso di asesinato
di eks presidente Shinzo Abe for di siman pasa.
E kaso a keda investigá pa servisio di Inteligensia i ku Korte di hustisia tambe na Hapon a para pa tin e resultado aki den ménos ku 5 dia. Resultado di e investigashon a keda kla ayera i ku Fumio Kishida a tene un rueda di prensa pa informá e pueblo.
Durante e rueda di prensa por a nota ku Fumio Kishida tabata bastante eksitá i indigná ya ku segun ekspertonan ku a hasi e investigashon aki ta haña ku polis ku mester tabata enkargá ku Seguridat di Shinzo Abe no hasi nan trabou debidamente.
Shinzo Abe tabatin ku ofresé un diskurso di kampaña den aire liber na e pueblo i ku segun protokòl mester tabatin agentenan polisial presente serka di e podium ku ningun hende por a yega.
Den e kaso aki esaki no a tuma lugá i a laga espasio pa
e asesino yega serka i tira Shinzo Abe na su garganta i kurason.
Fumio Kishida a bisa ku su seguridat ta den man di mesun agentenan polisial ku tambe mester a protehá Shinzo Abe.