Internashonal
Promé buelo ku: Tripulashon eksklusivamente femenino na Arabia Saudita
RIYADH – Ibrahim Alomar direktor general di flyadeal kompania di aviashon di Arabia Saudita a konfirmá ku djasabra nan a realisá nan promé buelo ku tripulashon eksklusivamente ku hende muhé.
Emad Iskandarani bosero di e kompania di aviashon flyadeal bisa ku lokual a pasa aki ta bai den historia.
E tripulashon den e avion Airbus tabata konsistí di shete hende muhé di Nashonalidat Saudi ku a realisá e buelo ku a dura 4 ora i 30 minüt di Riyadh pa Yemen.
Tabata apénas na 2018 ku prínsipe heredero Mohamed bin Salman a logra pasa un lei kaminda hende muhé por kore outo.
Awor apénas kuater aña despues tin un tripulashon di hende muhé ta bula avion komersial pa un kompania di aviashon di Arabia Saudita.
Gobiernu di Arabia Saudita tin intenshon pa inyektá $ 100.000 mion di e sektor entre 2022 pa 2030.
E plan ta pa lanta mas kompania di aviashon durante e periodo aki kaminda hende muhé tambe por bai forma parti komo miembro di tripulashon den kabina..