Connect with us

Lokal

Programa eskolar ta start pa e inisiativa Future Goals di Sandals Resort i Ajax

Published

on

Miéntras ku skolnan rònt Kòrsou ta kontentu i yen di eksitashon pa e aña eskolar ku a kuminsá resientemente, Sandals Resorts International huntu ku su ala filantrópiko Sandals Foundation, miembronan di e akademia di coach di Ajax i e organisashon lokal Favela Street a start e programa eskolar ‘Future Goals’ ku ta un inisiativa úniko den su estilo ku ta traha riba e amor ku e hóbennan tin pa e wega di futbòl Miéntras ta siña nan abilidatnan di bida i empoderá partisipantenan pa kuida nan medio ambiente.

Resientemente por a mira kon Niewindt College a rebibá na momentu ku un klas di studiantenan di grupo 6 a keda introdusí na e kuríkulo i struktura di bida di futbòl ku a keda konsipiá kuidadosamente pa studiantenan por apresiá e prinsipionan di éksito di AFC Ajax i e metanan di edukashon di medio ambiente duradero di Sandals Foundation.

Menno Geleen CCO di AFC Ajax: ‘ Ta Ajax su meta pa pèrkurá ku mas tantu mucha posibel ta disfrutá di e wega di futbòl, Miéntras ku nos ta siña nan e prinsipionan mas importante ku nos ta manehá manera disiplina, rèspèt, traha komo tim, kreatividat i kon pa ser esun mihó. Basa riba e kompromiso di e muchanan so kaba por bisa ku e programa a kuminsá bon, anto esaki ta djis e komienso.”

‘Future Goals’ ta fasilitá futbòl den Karibe di tal forma ku ta sostené medio ambiente i protehá nos rekursonan natural, asina Patrice Gilpin di Sandals Foundation a deklará. ‘E programa ta brinda un oportunidat dinámiko pa empoderá e siguiente generashon pa nan ta sin miedu den e promoshon i realisashon di un kambio sostenibel retando nan pa identifiká i implementá kustumbernan di konservashon den nan respektivo bibienda i komunidatnan.”

Hóbennan studiante di 8 pa 12 aña den alrededor di 40 skol di fundeshi rònt Kòrsou lo ta embolbi den un kuríkulo di 8 siman den kas i riba tereno hañando lès di por lo ménos dos coach di e organisashon hubenil Favela Street i ku training di coachnan di Ajax. Skolnan partisipante ta risibi dos gol di Future Goals ku ta keda konstruí pa e kompania di resiklahe lokal Limpi. E palunan di gol ta trahá di plèstik resiklá i e nètnan di piska ku a pèrdè riba laman. Kada skol ta risibi 14 bala di adidas kombiná ku e abilidatnan tékniko di e deporte pa despues kulminá den un torneo nashonal.
Komo parti di e tayer di ‘train-the-trainers’ intensivo di dos siman, kondusí pa e Ajax Coaching Academy i favela Street, e grupo di 12 coach a disfrutá di Sandals Royal Curaçao resientemente.

E ‘momentum’ pa e programa a sigui krese di forma eksponensial ku e rekonosementu internashonal durante di e asamblea general di ECA ku a tuma lugá na Istanbul, Turkia dianan 22 i 23 di sèptèmber unda Sandals Resorts i AFC Ajax a risibi e ECA Corporate Partnership Award pa e inisiativa inovadó i aserkamentu kreativo pa sostenibilidat pa medio di Future Goals. European Club Association (ECA) ta representá 246 kùp ku ta partisipá den futbòl Oropeo – Champions League, Europe League i Conference League kaminda ku AFC Ajax ta un di e kuater klupnan ku a keda nominá pa e prestigioso premio anto huntu ku Sandals Resorts a gana e título basa riba balornan kompartí entre e klup i Sandals, e impakto riba fanátikonan i inovashon.

Continue Reading

Lokal

Biahenan pa eksterior sin resultado pa Kòrsou ta kontinuá!

Published

on

By

Anthony Godett

WILLEMSTAD – – Frakshon partido KEM a tuma nota ku turno a toka e biaha aki na 2 minister(señornan Javier Silvania i Ruisandro Cijntje) di gabinete Pisas 2, pa biaha pa Repúblika Dominikana.
Segun informashon suministrá pa e sekretario di Konseho di Ministernan(karta 25 di novèmber 2022 i ku a drenta parlamento ayera djaluna dia 28 di novèmber, 12.03 mèrdia), e 2(dos) ministernan ta biaha di dia 27 di novèmber te ku 4 di desèmber 2022 pa partisipá na e “XXV Conferencia de Zonas Francas Iberoamerica” di The Free Trade Zones Associations of the Americas (AZFA).
Frakshon KEM tin informashon ku e konferensha ta tuma lugá dianan 1 i 2 di desèmber na Punta Cana, Repúblika Dominikana, den e Hotèl Westin. Djarason dia 30 di novèmber tin programá un bishita na Parques Industriales de Zona Francas. Akinan a parti e gruponan den 2, unu pa shet’or di mainta i e otro pa och’or di mainta. Tarifa di entrada na e parke aki ta $ 300 pa kada miembro di AZFA.
Serka frakshon KEM e pregunta ta surgi mesora, pakiko mester a biaha tantu dia adelantá asina, pa asistí na e konferensha?
Frakshon KEM a bin komprendé, ku un delegashon amplio a realisá e biahe aki. Esaki ta nifiká atrobe gastamentu di plaka di pueblo, kaminda kantidat di hende ta pasando den temporada difísil, pa loke ta trata nan entrada!
4 tema lo ser diskutí durante e konferensha aki: 1.Teknologia/Inovashon, 2. Integrashon, 3. Sostenibilidat i 4. Resistensia.
Esakinan ta keda presentá pa señornan Mohamed al Muallem (visepresidente ehekutivo di DP World), James X Zhan(direktor divishon di invershon i empresanan di e konferensha di Nashonnan Uni tokante Komersio i Desaroyo), David Greenstein(fundadó/CEO di Wonder Brands), Antonio Novas Garcia(partner ehekutivo den kompania Mc Kinsey & Company).
Frakshon KEM ta di opinion, ku niun di e temanan ku lo wòrdu trata próksimamente, ta bai tin resultado pa pueblo di Kòrsou. Esaki , pa siguiente motibunan: 1. VISA pa bishita i kumpra den Zona Franka di Kòrsou. No tin determinashon pa realisá esaki. Tantu bal tin konektividat(aéreo) pero no tin posibilidat di/pa hasi negoshi. 2. No tin e faktornan kritiko di inovashon i teknologia nobo den Zona Franka di Kòrsou esaki ta nifiká ku no tin oumento di produktividat. 3. No tin integrashon i koperashon regional entre Zonanan Franka. Esaki ta stroba invershonnan i benta di tuma lugá. 4. E medio ambiente i e kambio klimatológiko. Mester tene kuenta, ku e kresiente prekupashon pa esakinan i pa Esaki pa e demanda kresiente pa produktonan mas sostenibel.
Frakshon KEM ta konkluí, ku partisipashon na e konferensha ariba menshoná ta di importansia. Esaki pa motibu, ku e invitashon a bini di e minister di Ekonomia i Komersio señor Victor Orlando (Ito) Bisonó, ku e 25 paisnan, ku ta forma e asosashon iberoamerika tei presente. Esakinan ta representá 700 Zona Franka, sòru pa 1 mion di trabou direkto i tin 10.200 empresa instalá den e 25 paisnan indiká. Simultáneamente mester atendé e 4 puntonan mas ariba indiká.
Frakshon KEM ta di opinion, ku NO por sigui hasi biahenan kostoso sin resultado.
Si riba tèrmino hopi kòrtiku NO eliminá e VISA, drecha e produkto pa ofresé invershonistanan i turistanan, Kòrsou ta keda dueila ku kranchi habrí.
Kòrsou su Zona Franka, si NO presentá un kambio den aserkamentu, maneho i tuma desishon, NO por kompetí ku otro Zonanan Franka den region.

Continue Reading

Lokal

Kolegio Erasmo ta selebrá luna di buki a la Bi-ba-bèrdè

Published

on

By

WILLEMSTAD- En konekshon ku Siman di Ban Lesa i luna di buki, Kolegio Erasmo a organisá diferente aktividat pa su alumnonan. E meta di e aktividatnan aki tabata pa animá e muchanan pa lesa i tambe alsa nan interes den buki. A habri e temporada ku Siman di Ban Lesa ku tabata mará na e tema di Bi-Ba-Bèrdè (Gi-Ga-Groen). Durante di e siman aki, diferente persona i outornan di buki, manera Richena Maduro, Denise De Jong-Rekwest i Ronny Lobo, a lesa buki pa e muchanan.
Despues di e siman di apertura, klasnan for di Yogatina (pre-eskolar) te ku grupo 8 a pone èkstra atenshon na tur loke tin di haber ku buki i kuenta. E muchanan a siña tokante di e diferente géneronan di kuenta, eskritornan i ilustradónan. Tambe nan a lesa kuenta pa otro i duna forma na e tema Bi-Ba-Bèrdè bishitando Curaçao Rif Mangrove Park pa siña tokante di e diferente sorto di pal’i mangel ku tin na Kòrsou, funshon di pal’i mangel, historia di e besindario di Ref i tokante di e flora i founa di e parke.
Pa sera e temporado, Kolegio Erasmo a invitá diferente persona konosí den nos komunidat pa bin lesa buki pa e muchanan. Entre e personanan aki tabatin nos minister president, Señor Pisas, Diannitsa Genaro, Glenda Sluis, Kate Ronald Martina Thielman, Judith Heldewier, Nihayra Leona, Bryan Goilo i Miriela Kwidama. Un tiki tokante di Kolegio Erasmo: Kolegio Erasmo un skol di fundeshi ku ta forma parti di Fundashon pa Skol Humanista na Papiamentu. Su fundeshi ta basá riba e filosofia Humanista i e ta e úniko skol na Kòrsou ku su idioma di instrukshon ta kompletamente na papiamentu. E aña aki Kolegio Erasmo ta selebrando su di 35 aña di eksistensia.

Continue Reading

Lokal

Señora divorsiá a bai reklamá pero….. Ya Inspektor a laga paga restitushon na èks esposo

Published

on

By

WILLEMSTAD Un korto sirkuito entrega di e aanslag definitivo riba balor di un kas di un pareha ku a divorsia a pone ku maske titulo di propiedat dje kas tabata riba nòmber dje muhé, Inspektor a duna òrdu pa paga e èks esposo e restitushon ku a paga di más na OZB tempu e pareha tabata kasá ainda.
E aanslagnan preliminar no tabata riba

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login