Presidente Maduro reuní ku embahador nobo di Spaña

CARACAS – Nicolás Maduro presidente di Venezuela a reuní e siman aki ku Ramón Santos ku lo bai representá Spaña komo embahador na Caracas.
Den un akto ofisial na Palacio Miraflores Ramón Santos a entrega Nicolás Maduro un karta di su kredensialnan.
Ramón Santos ta na Venezuela for di luna di Òktober di aña 2021 komo enkargado di Negoshi pa Spaña na Caracas.
Entrega di karta kredensial di parti di e representante di Spaña na Venezuela ta resultado ku e relashon entre e dos paisnan ta mehorando.
Na mes momentu e diplomatiko Coromoto Godoy a entrega presidente Pedro Sánchez su kredensialnan pa representá Venezuela komo embahadora na Spaña.
José Manuel Albares minister enkargá ku Relashonnan Eksterior na Spaña a sigurá ku nan intenshon ta pa drecha relashon diplomatiko i komersial ku Venezuela.