Presidente di Sri Lanka a hui bai laga miónes den palasio presidensial

COLOMBO – For di djasabra último manifestantenan a drenta den palasio presidensial na kapital na Sri Lanka pa saka presidente Gotabaya Rajapaksa (73) na mal òrdu.
Pero pa e manifestantenan su malasuèltu presidente Gotabaya Rajapaksa a logra hui un dia prome.
E motibu dikon e pueblo tabata kier pa presidente Gotabaya Rajapaksa entrega poder ta debí ku tabatin un investigashon kontra su persona andando debí na sospecho ku e tabata metí den diferente kasonan di korupshon i malversashon di fondonan públiko.
Durante un periodo bastante largu e aña aki mes tabatin skarsedat di kuminda, remedi i kombustibel.
C. D. Wickramaratne direktor di kuerpo polisial na Sri Lanka a indiká ku manifestantenan ku a drenta den palasio presidensial a entrega na warda di polis 17.85 mion Rupia ku ta ekivalente na 49.000 euro na efektivo.
Ranil Wickremesinghe prome minister na Sri Lanka a sigurá ku presidente Gotabaya Rajapaksa tabatin intenshon pa baha debí ku ela informashon di servisio sekreto ku tabatin un plan di atentado pa likid’é.