Presidente di Paraguay a kondena e asesinato di fiskal Marcelo Pecci

ASUNCION- Mario Abdo Benítez presidente di Paraguay a kondena ku lokual a pasa ku fiskal Marcelo Pecci na e isla di Barú Cartagena durante su luna di miel.
Mario Abdo Benítez a bisa ku esnan ku a asesiná fiskal Marcelo Pecci na Colombia ta un grupo di kobarde.
Informashon ku Mario Abdo Benítez tin ta ku fiskal Marcelo Pecci a keda asesiná pa un sikario ku tire mata estilo traishon na momentu ku e tabata huntu ku su kasa.
Presidente Mario Abdo Benítez a bisa ku ta kriminalnan na Paraguay a kontratá sikarionan na Colombia pa asesiná fiskal Marcelo Pecci durante su luna de miel.
Lokual a pasa aki ta pone ku hustisia na Paraguay lo bai sigi ku man duru kontra narkotrafikantenan ku ta pensa ku nan ta riba lei.