Internashonal
Presidente di Guatemala a sali ileso di un atentado
GUATEMALA – Alejandro Giammattei presidente di Guatemala a resultá ileso djasabra último di un atake di un grupo di sikario arma na e aldea ku yama La Laguna de Jacaltenango, Huehuetenango”.
Un total di 6 sikario fuertemente arma a tira riba eskolta ku tabata protehá presidente Alejandro Giammattei i su komitiva na La Laguna de Jacaltenango.
Alejandro Giammattei a biaha pa La Laguna de Jacaltenango pa promové un proyekto di agrikultura ku lo ta destiná pa eksportá fruta i berdura i ku lo krea míles di kuponan di trabou.
Den e kaso aki Alejandro Giammattei a keda risibí ku tiru di bala di kriminalnan ku ta afiliá ku kartel Nuevo Jalisco.
Brenda Larios konosido periodista na Guatemala ku tambe a biaha ku presidente Alejandro Giammattei pa
La Laguna a bisa ku nan a skapa na wowo di angua.
Pa seguridat di presidente Alejandro Giammattei a transporte ku helikòpter militar bek pa kapital.