Presidente di Costa Rica: Tin planeá pa bende dos banko di estado pa kubri debe públiko

SAN JOSE – Rodrigo Chavez presidente di Costa Rica a anunsiá ku e tin plan pa bende dos banko di estado pa asina por kubri ku debenan públiko ku mester atendé kuné.
E dos bankonan ku presidente Rodrigo Chaves kier bende ta bankonan BICSA (Banco Internacional de Costa Rica) i BCR (Banco de Costa Rica) pa un suma ekivalente na $1.800 mion.
Rodrigo Chaves a bisa ku tin kumpradó kla para pa negoshá pero elo tin ku presenta un proyekto di lei na miembronan di Kongreso ku nan por disidí si ta vota pa bende of no.
E intenshon ta pa pronto Rodrigo Chaves presentá miembronan di Kongreso e proyekto di lei pa asina tuma un desishon pa e benta di bankonan BICSA y BCR.
Rodrigo Chaves a splika ku tin un akuerdo ku Fondo Monetario Internashonal pa paga nan debe eksterno i elo bai sòru di kumpli ku akuerdonan ku a keda firma.
Unabes ku gobiernu kumpli i paga debe eksterno ku plaka di benta di e dos bankonan aki lo por sigi atendé ku sobra rekursonan pa drecha kaya, invertí den infrastruktura i kumpli ku pago na penshonadonan.