Internashonal
Presidente di Costa Rica a ekspresá: Preokupashon pa yegada di militarnan Ruso ku ta entrenando na Nicaragua
SAN JOSE – Rodrigo Chaves presidente di Costa Rica a ekspresá ayera su preokupashon pa e yegada di un kantidat grandi di militarnan Ruso ku a yega Nicaragua.
Teniendo kuenta ku Costa Rica ta un pais pasífiko i ku no tin un ehérsito i esaki ta hasi e situashon mas alarmante segun presidente Rodrigo Chaves.
Costa Rica ta fronterisa ku Nicaragua i lokual ku tin na informashon den e kaso aki ta ku no solamente ku Rusia
a manda militarnan Ruso sino tin hopi ekipo militar ku ta yegando den último dianan.
Den e kaso aki Rodrigo Chaves a tene kontakto kaba ku gobiernu merikano ku lo bai laga monitorea e situashon. Ekspertonan militar merikano ku tin e situashon aki bon monitorea a informá ku ta di dos aña sigi Rusia ta manda su militarnan bin entrená ku militarnan di Nicaragua.