Preis di webu na Merka a subi di $1.79 pa $7.49

WASHINGTON – E situashon na Merka pa lokual ta suministro i preis di alimento ta birando un problema bastante serio pa a konsumidó.
No ménos ku algun luna pasa preis di dozein di webu tabata kosta e konsumidó $1.79 na nivel nashonal.
Teniendo kuenta ku inflashon kombiná ku e malesa grip na vários kriadero di galiña a pone ku preis di webu a subi den apénas algun luna a subi di $1.79 pa $ 4.25 pa finalmente na sierto partinan na Merka na $7,49.
Konsekuentemente esaki ta nifiká ku e alimento ku tabata keda konsiderá mas ekonómiko ku un persona por kumpra pa alimentá su mes a bira demasiado karu.
E oumento drástiko di preis di webu ku ta keda usa pa traha hopi tipo di reseta pa alimentá un persona ta pone ku hopi negoshi den horeka lo por bai sera nan porta si gobiernu no atendé ku e situashon aki pronto.
E solushon segun departamento di agrikultura i krio di bestia ta buskando un solushon.
E solushon posiblemente pa baha preis mas lihé posibel ta importá webu for di Mexico i Canada.