Lokal
Pregunta riba gastu pa sera trafikantenan di droga ku Warda Kosta detené riba laman
WILLEMSTAD. Parlamentario Sheldry Osepa a manda un lista di pregunta pa minister di Hustisia riba e peso finansiero pa Korsou despues ku kaptura trafikantenan di droga riba laman.
E preguntanan ta lo sigiente:
1. Kuantu pèrsona tin aktualmente den prison ku a wòrdu detené basa riba e asina yama Tratado di San José?
2. Kiko ta e gastu ku e pèrsonanan ariba menshoná ta trese pa kadena hudisial di Kòrsou?
3. Kiko ta tur e benefisionan ku Kòrsou, siendo parti di Reino Hulandes, tin komo miembro di e Tratado di San José?
4. Kòrsou tin sufisiente kapasidat finansiero pa kumpli ku e Tratado di San José?
5. Kuantu sèn gobièrnu ta invertí pa protegá nos awanan?
6. Kiko ta e posibilidat pa pidi Reino Hulandes aportá of yuda paga enkarselamentu di e pèrsonanan aki?
7. Kiko ta e eksperensia di nos pais pa ku ehekutamentu di e Tratado di San José?
E parlamentario ke risibí kontesta riba e preguntanan akí, pa asina e por sigui atende e tópiko akí i ta spera un kontesta ku e rapides nesesario.