Porfin grabashon “Friends-Reunion” a ranka sali

Porfin e grabashon di “Friends’ – reunion a kuminsa, asina por a tuma nota via nan kuenta ofisial di Instagram. E filmashonnan mester a kuminsa for di aña pasá pero pa motibu di coronavirus I e reglanan social a kansela esaki. Pa ki dia e grabashonnan ta termina I e fecha di kual e plataforma di streaminf HBO Max lo pasa esaki ainda no ta konosi.

E serie ku a kosecha asina tantu eksito den añanan 1994 pa 2004, ku su principal artistanan den nan rol di Ross, Rachel, Chandler, Monica, Phoebe I Joey, te ainda ta gustá I ta ripiti esakinan na diferente kanal di televishon.
E reunion di ‘Friends’ lo ta grabashon pa un edishon so, i e aktornan David Schwimmer, Jennifer Aniston, Courteney Cox, Matt LeBlanc, Lisa Kudrow i Matthew Perry lo keda ku nan mes personahe, solamente den un tema speshal.
Tin un interes enorme pa e ultimo grabashon di Friends aki.