Por lo pronto Destiny’s Child no ta reuní

New York – E grupo femenino Destiny’s Child lo no tin plania pa reuní por lo pronto manera anteriormente a Sali den medionan social. Segun manager di e grupo Mathew Knowles, tata di Beyoncé, e rumornan ta falsu I lo no tin presentashon por lo pronto.
Un kambio di potret ku e kas diskero dje agrupashon a hasi riba

nan kuenta di Twitter a trese e impreshon ku awor si e grupo lo ta kla pa reuní bek I trese algun presentashon, pero esaki no ta e kaso. Ta djis pa mantene e grupo ‘kayente’, e kas diskero ratu ratu ta trese un ‘look’ nobo riba social media.

Beyoncé resientemente a menshoná ku e ta trahando riba algun produkshon musical nobo. Kelly Rowland resientemente a presenta su album nobo, mientras ku Michelle Wiliams tambe ta trahando apart, kiermen no tin ningun otro indikashon ku e grupo ta trahando huntu.
Na 2006 e grupo a separa i ultimo biaha ku nan tabata huntu riba tarima tabata na 2016 na momentu ku Michelle i Kelly a join Beyoncé durante e festival Coachella pa rekordá algun di nan hitnan di pasado.