Lokal
Polis ta kontinuá ku kontrolnan den kuadro di Covid-19
Kontrali na e persepshon ku kisas ta biba serka sierto gremio den nos komunidat, Kuerpo Polisial ta konfirmá ku e kontrolnan den kuadro di Covid-19 ta kontinuá normalmente, manera ya kaba tabata e kaso durante di último lunanan.
Den e fin di siman tras di lomba, a kontrolá diferente establesimentu den área di Pietermaai, Bapor Kibrá i tambe otro sítionan, bou di kua diferente snèk riba nos isla.
E gran mayoria di negoshinan ku polis a bishitá tabatin tur kos na òrdu.
Sinembargo a repartí un total di dies (10) prosès verbal pa falta di tapaboka, aglomerashon i molèster di muzik.
Na un snèk den area di Weto, polis a para e operashon pa motibu di muzik duru.
E kontrolnan aki ta kontinuá den próksimo dianan.