Polis na Inglatera a detené otro hóben ku a manda webu riba Rei Charles III

LONDRES – Ayera agentenan di Scottland Yard a detené un hòmber (20) debí ku ela manda webu riba Rei Charles III na momentu ku ela sali for di un evento karikativo na e lokalidat na Luton.
E hóben a manda vários webu riba Rei Charles III pa despues trata na bati retirada.
Den e kaso aki agentenan polisial a pèrsigui e hóben durante un bon ratu te na momentu ku a gar’é.
E hóben a keda detené pendiente pa wak kiko wes lo bai disidí ku lo bai hasi kuné.
E problema ku tin na Inglatera ta ku Rei Charles III i Reina Camila nan popularidat ta na suela pa kual hopi hende no ta simpatisá ku nan.
No ta promé biaha ku hendenan ta tira webu riba Rei Charles ya ku na komienso di e Novèmber un hóben (23 ) a tira webu riba nan.