Polis na Denver ta buskando: Hòmber ku a spùit gasolin riba dos persona djis pasombra nan tabata papia spaño

DENVER – Faith Goodrich bosero di kuerpo polisial na Colorado a konfirmá ku nan ta buskando un hòmber aspekto asiátiko/latino ku a spùit gasolin riba dos persona djis pasombra nan tabata papia Spaño.
Aparentemente dos latinonan aki a bai kumpra algun merkansia i gasolin na un Convenience Store na Aurora i aki a trata na komuniká ku e empleado na Spaño.
E deskonosí a rabia asina tantu ku ela interferí den e kombersashon di e dos latinonan aki indikando ku nan mester ta na Merka si nan no por papia ingles i pa nan bai Mexico bek.
Na momentu ku e dos latinonan aki paga keda ketu i bai nan vehíkulo pa yena gasolin e tipo frustra aki su vehíkulo tata para banda di nan a disidí ku enbes di yena gasolin den su tanki di outo a spùit gasolin riba e dos latinonan.
Despues di kometé e akto kriminal aki e tipo aki a drenta su outo i disparsé.
Faith Goodrich a splika ku lokual e hòmber aki a hasi ta un intento di asesinato i ta p’esei polis ta buskando e tipo aki pa detené na Denver.
E parti positivo di e kaso aki ta ku tin su imáhen riba kamara saka i ku lo no bai dura muchu ku polis lo por detené segun kapitan Faith Goodrich.