Internashonal
Polis di New York a logra detené sospechoso di asesinato di Metro
NEW YORK – Kenneth Corey bosero di kuerpo polisial na New York a konfirmá ku nan a logra detené e sospechoso ku a mata un hòmber hispano den wagòn di Metro djadumingu último. E sospechoso ku agentenan di NYPD a logra detené a keda identifiká komo Andrew Abdulah di 25 aña di edat.
Lokual ku tin na informashon ta ku e asesino Andrew Abdulah a mata Daniel Enríquez sin ningun motibu.
Kenneth Corey a splika ku e fayo ku Andrew Abdulah a kometé ta ku promé ku ela drenta stashon di Metro e no tabatin su kara tapa i ta despues ku ela di tira Daniel Enriquez ela bisti su kapuchon i aki un di e kamaranan di seguridat a kapta su imáhen.
Andrew Abdulah ta oriundo di Brooklyn i porsierto su kabes no ta muchu bon i su intenshon aparentemente pa pusha un hende dilanti ku e Metro tabata yegando.
Pero no a logra su propósito i despues a drenta e Metro i tira Daniel Enríquez sin ningun motibu.
Wes ku ta atendiendo ku e kaso di Andrew Abdulah lo no aseptá fiansa pa su libertat ku ta nifiká ku elo tin ku keda enkarselá te na momentu ku su kaso keda atendé den korte na Manhattan.