Polis a detené abogado di Jeanine Áñez pa kore outo bou di influensha

LA PAZ – Eduardo del Castillo minister enkargá ku e kartera di hustisia na Bolivia a konfirmá ku polis a detené abogado di eks presidente Interino Jeanine Áñez debí ku e tabata kore outo bou di influensia di alkohòl.
Parse ku abogado Adolfo Guillen Castillo tabata koriendo su SUV model Suzuki bastante for di òrdu den sentro di suidat i aki un patruya a orden’é pa para.
Na momentu ku polis a kuminsá interogá Adolfo Guillen Castillo práktikamente e no tabata por a kontesta ningun di e preguntanan.
Eduardo del Castillo a splika ku mesora a pidi abogado
Adolfo Guillen Castillo pa e baha for di su outo pa asina por pone supla den un aparato.
E porsentahe di aliento di Eduardo del Castillo tabata riba límite ku ta nifiká ku e abogado di señora Jeanine Áñez mester a keda detené.
Den e kaso aki abogado a keda enkarselá i su siguiente dia ela rekobrá su libertat.