Polis a ataka residensia priva di promé minister di Haiti

PORT AU PRINCE – Ariel Henry promé minister di Haiti a biaha pa Buenos Aires pa su partisipashon den e Cumbre de Celac. Durante Ariel Henry su ousensia un grupo di agente polisial rabia a bai ataka residensia priva di e Promé minister .
E motibu dikon e agentenan polisial a bai ataka residensia priva di Ariel Henry ta debí ku gruponan arma a bin ta asesiná nan kompañeronan di kuerpo polisial.
E agentenan ta pretendé ku promé minister Ariel Henry no ta tuma ningun akshon pa atendé ku e agreshon kontra agentenan polisial.
Ariel Henry a yega Haiti ayera i lo a haña protekshon di agentenan federal pa su seguridat ya ku aparentemente su famia no ta biba na Haiti.
Durante aña 2022 un total di 55 agente polisial a keda asesiná den un konteksto marka pa e deterioro di klima di seguridat i dominá pa atakenan arma, sekuestro, ladronisia i violashon.
E pueblo ta sklama pa elekshon presidensial ya ku for di momentu ku a asesiná presidente Jovenel Moïse na yüli di 2021 e pais su seguridat a bai atras konsiderablemente.