Polis a arestá yefrou di skol: Na Florida ku a skonde alumno ku a hui for di kas di su mayornan

FLORIDA – Un yefrou di un skol sekundario na Charlotte, Florida a keda arestá ayera debí ku ela skonde un studiante (16) durante vários dia na su kas.
Ta mayornan di e adolesente a notifiká polis ku posiblemente nan yu lo a bai keda serka su yefrou
ku yama Kelly Simpson di 31 aña di edat.
Mayornan di e adolesente a splika outoridatnan ku nan tin sospecho ku pa algun tempu kaba nan yu tin relashon amoroso ku yefrou Kelly Simpson.
Aparentemente yefrou Kelly Simpson ta bin buska e adolesente aki durante periodo di vakashon práktikamente tur dia na un parke ku ta keda serka di su kas.
E adolesente a disparsé for di 10 di ougùstùs último i ku naturalmente mayornan mester a notifiká polis. Na momentu ku a bai na kas di yefrou Kelly Simpson a bin haña e adolesente huntu kuné.
Esaki a pone ku outoridatnan na Charlotte Florida a detené Kelly Simpson i ku despues su abogado a logra
pa e haña su libertat kondishonal dor di paga un fiansa di $5.000.
Yefrou Kelly Simpson ta kore rísiko di pèrdè su lisensia komo edukador na Charlotte Florida debí na su komportashon di tene relashon seksual ku su alumno.