Poderoso orashon Na Spiritu Santu pa tempunan desafiante

Semper mester pidi afekto di Spiritu Santu, pero en espesial den momentonan ku nos tin mas mester d djE

Un kristian semper mester pidi afekto di Spiritu Santu pero espesialmente den momentonan di reto, ora nos tin mas mester di dje. Esaki ta un orashon na Spiritu Santu partikularmente poderoso i renobador:

Orashon na Spiritu Santu

Spiritu Santu Konsolador, konsedé mi e don di fortalesa. Fortalesé mi alma pa superá e difikultatnan di kada dia, e tormentonan di e persekushonnan i e engañonan di e maligno. Yuda mi na ser fuerte mei mei di e debilidatnan spiritual, p’asina ku ami sea señal di Bo amor i bondat.

Spiritu Santu di Lus, konsedé mi e don di sabiduria. Pa ami tin e  disernimientu nesesario pa distinguí malu di bon, mentira di bèrdat, guera di pas. Ku Bo sabiduria iluminá espasionan konfuso di mi alma.

Spiritu Santu Abogado, konsedé mi e don di komprendementu, p’asina ku ta komprendé korektamente boluntat di Tata Selestial den mi bida. Yuda mi komprendé e próhimo ku amor, miserikòrdia i pas. Ku mi ta komprendé, ku henter mi ser, e amor di Kristu p’ami i pa humanidat.

Spiritu Santu, Abogado Selestial, konsedé mi e don di siensia. Ku, iluminá pa Bo lus divino, komprendé korektamente e plannan di Dios pa mi bida, i sea obediente na e siñansanan divino. I sea asina, un señal permanente di e miserikòrdia di e Maestro Hesus den mundu.

Spiritu Santu, Konsehero Divino, konsedé mi e don di konseho. Iluminá mi entendimentu, p’asina ku ami ta buska den Dios e kontestanan pa mi dudanan in inkietutnan humano i spiritual. Pone riba mi lepnan palabranan ku ta restablesé e pas den mundu i yuda mi na semper hiba un konseho ku ku ta debolbé e almanan afligí e serenidat den Dios.

Divino Spiritu Santu konsedé mi e don di piedat. Ku mi orashonnan sea brùgnan di amor, ku ta ui mi kurason na e kurason di Dios Tata i di Kristu Señor. Ku mi fervor spiritual semper ta renobá, p’asina ku mi alma ta fruta den fe i speransa.

Spiritu Santu, Konsolador di esnan afligí,  konsedé mi e don di temor di Dios, p’asina ku semper mi tin dilanti mi wowonan, e bondat divino i ku mi  pensamentunan, palabranan i akshonnan, no sea un ofensa na e amor miserikòrdioso di e Tata Selestial.

Asina sea!