Petro i Maduro a anunsiá ku: Dia 26 di sèptèmber lo tin apertura di buelonan entre Colombia i Venezuela

BOGOTA/CARACAS – Ayera presidentenan Nicolas Maduro i Gustavo Petro a anunsiá ofisialmente ku dia 26 di sèptèmber próksimo lo bai tin buelonan entre Caracas/Bogota.
E dos mandatarionan a bisa ku lo habri frontera tambe ofisialmente pa asina por kuminsá ku komersio manera tabata e kaso den pasado.
Gustavo Petro i Nicolás Maduro a papia ku otro i a indika ku pronto nan lo topa na frontera kaminda lo kuminsá ku un inisio nobo di koperashon entre e dos paisnan.
For di momentu ku Gustavo Petro a gana elekshon presidensial ela bisa ku elo no rekonosé Juan Guaido i ku elo reuní ku Nicolas Maduro kende a gana elekshon presidensial na Venezuela demokrátikamente.
Kompanianan di aviashon Colombiano ku lo kuminsá ku nan operashon kaba na Venezuela ta Avianca, Latam, Ultra, Wingo i Avior.
Pa lokual ta kompanianan di Venezuela ku lo bula pa Bogota ta Laser Airlines i Conviasa Airlines ku ta den revishon ainda.