Perverso Eskoses kondená pa pornografia infantil ta na su pais ainda

WILLEMSTAD. Den e kaso dje homber Eskoses ku outoridatnan na Sint Maarten a pèrmiti pa retorna su pais natal pa nan pone un pia’i’palu (protese pa hende desente), ela bula bai manera un para i no a retorná.
E pirata predador pia’i’palu di Eskosia ta insisti ku e ta inosente p’esei e no ta retorná.
Promé ku Korte di Hustisia a atendé e kaso den apelashon dia 23 di yuni ultimo, Kristensen a manda un karta pa korte refutando tur akusashon ku eksepshon ku e tabatin poko kokaina den su kas.
Tabata 197 gram ku e tabata usa pa fría doló.
Kristensen ta ketu bai na Eskosia indikando ku e ta sufri di kurason i no por retorna St. Maarten.
Fiskal general na Sint Maarten a komentá ku no por t’asina ku un sospechoso ta bula pipa pa su detenshon skondiendo tras di e argumento ku e mester di tratamentu mediko den eksterior sin ta hasi intento pa haña e tratamentu aki.
E wesnan tambe ta di akuerdo ku e fiskal general. Pa loke ta e polis Gerardus kende tin hernia na garganta i a operá na Colomba i Panama. Korte a komentá ku 4 aña pasá e kondishon aki tabata un faktor di peso asina pisá ku a skòrs su pre-detenshon.
Korte ta dispuesto di asumi ku e akusadonan por tin limitashon fisiko i mediko pero esei no ta hasi ku nan no por sinta nan kastigu.
Sint Maarten a pidi ekstradishon di Kristensen kaba i manera fiskal a komentá dia a trata e kaso, ta for di 3 aña pasá e kaso a tuma lugá pero no por skonde tras di COVID ku no a trata e kaso ainda.
E tin mas di haber ku bibesa di Kristensen kende ta ignora Korte, ta ninga di retorná St. Maarten dia korte a disidi ku e no tabatin mester di mas tratamentu mediko na Eskosia dia 5 di Desember 2019. We are now 2.5 years further.
Fiskal General a splika ku tin un prosedura di ekstradishon pasobra e akusado no ke retorná Sint Maarten.
Se rekòrt kriminal ta mustra ku e hasiendo uso di tur táktika pa evitá di retorna prison Pointe Blanche,
Pa fiskal general, e fugitivo Eskoses no tin eskrupulo i e ta ripiti esei den su kara dia nan pone man riba dje.
Loke ningun por premirá ki dia esei lo ta.