Personal mediko ku tabata na Kòrsou pa asistí den programa di Bakunashon a regresá Hulanda

WILLEMSTAD – Gobiernu di Kòrsou durante un enkuentro ameno, a gradisí e grupo di enfermero i dòkternan ku a bini for di Hulanda pa asistí nos den e bataya kontra COVID-19.

Un total di 33 persona ku a asistí ku e tareanan di prepará bakuna i bakuná den e trayekto di bakunashon.

Señora Farline Rodriguez ku ta Yu di Kòrsou tambe a forma parti di e grupo. Na final di e parti ofisial dr. Semper a gradisí e grupo i a otorgá kada unu un sertifikado komo muestra di apresio pa e bon trabou ku nan a hasi pa Kòrsou.

Riba kombinashon di potrètnan por mira entre otro momentu ku Minister demisionario Jesus- Leito, Irálice Jansen MSc. BASc. i dr. Semper ta gradisí e grupo pa nan aporte i e bon trabou.