Pero ki dia ta kaba anto? SOAW ta bai evaluá asistensia laboral i sosten pa kuminda

Willemstad – Ministerio di SOAW a anunsiá ku ta bai kuminsá ku e proseso pa evaluá e dos medidanan di asistensia di emergensia relatá na e pandemia di Covid-19.
Ta trata di e medida pa duna sosten laboral i e medida pa duna asistensia den alimentashon. (Lesa : Pakete di kuminda, kuminda kayente i karchi pa kuminda). Lo bai evaluá si mester sigui ku e asistensia di emergensia den e forma aktual i kon largu mas lo mester sigui ku esaki.
Durante e último lunanan e kantidat di aplikashon pa asistensia a baha konsiderabel.
E periodo di evaluashon lo dura ún (1) luna, kuminsando 13 di sèptèmber. Durante e periodo di evaluashon, e portal pa hasi aplikashon lo ta será.
Petishonnan ku ta den tratamentu kaba, lo sigui segun e proseso di evaluashon vigente.