Periodista a bolbe demanda Trump pa violashon pa di dos biaha

NEW YORK – E periodista E. Jean Carroll (78) a bolbe presentá un demanda den korte sivil na New York kontra eks presidente Donald Trump ku a viole 30 aña pasa.
Segun dokumentonan ku abogado di E. Jean Carroll a presentá den korte sivil na New York ta ku Donald Trump a mishi kuné sin su konsentimentu i pa despues a viole.
Lokual tin na informashon ta ku na aña 1995 Donald Trump a violá E. Jean Carroll den un tienda luhoso di paña na Manhattan.
E. Jean Carroll ta para firme ku lokual ku Donald Trump a hasi kuné a pone ku te ku dia di awe ela keda ku trouma i ku despues di e akto nunka mas e tabata por a tene un relashon normal.
Fuera di esaki su reputashon a kai na suela i no tabata por a haña trabou fásil komo periodista.
E promé demanda kontra di Donald Trump tabata na aña 2019 pero abogadonan di e eks mandatario a logra posponé indikando ku ta trata di un denunsia falsu.
Lokual ku E. Jean Carroll ta buskando ta kompensashon finansiero pa lokual Donald Trump a hasi kuné.