Pentagono a ordená: Pa e portavion Ronald Reagan keda den serkania di Taiwan

WASHINGTON – Lloyd Austin sekretario di Defensa merikano a ordená ayera pa ku e portavion Ronald Reagan i varios otro barku di gera ku ta eskolte keda den awanan teritorial di Taiwan pa monitorea e situashon.
Tin indikashon ku Lloyd Austin a ordená pa John Kirby kordinadó di komunikashon stratégiko di konseho di seguridat nashonal kordiná ku alto mando militar na Taiwan pa e trabou konhunto.
John Kirby a bisa ku e barkunan di gera lo bai haña asistensia di Forsa Aéreo merikano pa realisá patruya den e próksimo simannan benidero den espasio aéreo i awanan teritorial di Taiwan.
Lokual ta di kondena segun John Kirby ta ku China a lansa 11 misil balistiko den direkshon di Taiwan.
Esaki ta keda konsiderá komo un akto di provokashon pa kuminsá un gera entre China, Taiwan i Merka.