Pelukera ku a inverti den pelukeria a kai foi panchi den kandela

WILLEMSTAD. Un señora ku tabata eksplotá un pelukeria i tabata paga alkiler pa e pelukeria mes tabata doño dje inventario. Dos aña i mei tempu Kòrsou tabata sinti efektonan devastador di Corona i a okurié pa kumpra e inventario a rason di 30.000 florin pagadero den 15 kuota di NAf 2.000 i lo a kuminsa paga fin di september 2020 i kaba di paga fin di november 2021.
Dia 5 di kada luna e pago mester a suma lugá sino e tin ku paga un but di 20% i e inventario ta keda di doño dje pelukeria te dia e paga e debe kompleto.

Dado momento e doño a baha e kuota na mil florin pa luna i e kumpradó a paga ne momento 5500 florin.
Einan Colon a kima i doño dje pelukeria
a buska un abogado kende a bin ku un lista di demanda pidiendo doño dje pelukeria pa pag’e un but di Af 29.000,=;
pa pagé 2100 florin pa falta di prestashon oumentando esaki ku 200 florin dia 5 di kada siguiente luna:
pa pagé NAf 4.665,= gastu di kobransa i pa despues tur kosto dje prosedura inkluso gastu
di abogado.

FORSA MAYOR
E pelukera a hasi un apelashon riba forsa mayor di sirkunstansianan ku a pone ku e no por a kumpli ku e kontrat di kompra i venta dje pelukeria.
Maske e pelukera a pidi klemensia pa pospone e pagonan, e doño no a pèrmiti esei i e pelukera pa lei no por a inisisti pa desvia for di e kontrat.

24.500 FLORIN
E diskushon no ta riba e suma prinsipal ku a sobra rason di NAf 24.500.
E pelukera a kulpa e pandemia i otro medidanan ku gobiernu a impone durante e pandemia di corona i a pone ku e no por a traha mas plaka pa kumpli ku su debe.
Doño dje lokal a rechasá e argumento aki pasobra e pelukera a sigi traha na kas normal pero ta for di prinsipio e tabata mal pagadó.
Si un empresa mester sera pa motibu coronacrisis pero e pregunta ta ku si esaki mester kondusi na klousura obligatorio ta e pregunta.
E promé lockdown na ougustus a pasa i tabata reina masha konfushon.
Asina mes e kier a dal bai ku e negoshi i tampoko ela hinka kondishon den e kontrat ku ta tene kuenta ku medidanan di gobiernu.
O sea wes a bari e argumento di sirkurstansianan i nan efekto imprevisto for di mesa.
Hecho ta ku foi promé dia e negoshi no tabata kana bon pasobra e pelukera a balotá su klientela i su kapasidat pa traha plaka.
Seguidamente e pelukera a bisa ku e alkiler mester baha pasobra e ta inaseptabel pero no a bisa dikon. Ademas e no a splika ku durante lock down su yunan tabata traha na kas i nan tabatin entrada. Argumento ku ‘mi no por paga’ no ta konta i no ta falta dje doño dje pelukeria.
Finalmente wes a disidi ku e pelukera mester paga e suma prinsipal.
Loke sí wes a frena ta e kos di djaka di kobra kantidat di tarifa akumulá den otro pero asina mes wes a kondena e pelukera na pago di explootkosten NAf 439,64
griffierecht NAf 750,00
salario abogado NAf 2.500,00 + totaal: NAf 3.689,64.
Riba esaki e pelukera mester paga doño dje lokal NAf 24.500, plùs interes riba e suma. plùs NAf 2.100 na but di malprestashon i NAf 1.875 na kaso di deurwaarder.
E pelukeria no a sali mal bashí for di sala di korte pasobra doño dje pèlukeria mester paga e pelukera NAf 3.689,64.
Esaki a un ehempel klasiko di un persona ku a drenta un negoshi sin a traha huiswerk ni konsulta ku un konsultador of sikiera un atministradó.