Pedro Castillo ta ninga di pasa eksamen médiko

LIMA – Pedro Castillo presidente Peruano ku a keda destitui resientemente ta ninga di keda someté na tèstnan médiko ku ta keda solisitá pa fiskalia general.
Ta trata aki di un tèst médiko obligatorio ku tur hende
ku keda detené mester hasi durante nan detenshon segun fiskalia general.
Tin sospecho ku Pedro Castillo tabata usa supstansianan prohibí manera kokaina i mariwana pa keda atendé ku kantidat di problemanan konfrontando kuné.
Francisco Brizuela presidente di e Instituto di dòkternan Legal pa fiskalia General a bisa ku Pedro Castillo a ninga tres dòkter pa asina duna sanger i urina.
E tres dòkternan ku a atendé ku Pedro Castillo a keda asigná pa Ministerio Públiko pero ni asina e no a laga nan mishi kuné.
Guillermo Bermejo legislador Peruano a bishita Pedro Castillo na e sentro di detenshon a deklará na prensa ku
e eks mandatario a konfirm’é ku e motibu dikon elo no hasi e tèstnan aki ta pa despues no usa esaki den su kontra durante wisio.