Pedro Castillo presidente di Peru a keda interogá pa presunto kaso di korupshon

LIMA – Pedro Castillo presidente di Peru a bishita sede di Fiskalia general di Nashon pa asina keda interogá pa Pablo Sánchez fiskal general di Repúblika.

E motibu dikon fiskal general a manda yama Pablo Sanchez ta pa interog’é debí ku e ta keda akusá di korupshon i malversashon di fondonan públiko.

Ta trata aki di un kontrato otorgá di konstrukshon di un brùg na Amazonia ku supuestamente a bai na un organisashon kriminal di kual Pedro Castillo mes ta lider.

Pedro Castillo a bisa ku e no ta pertenesé na ningun organisashon kriminal i ku no motibu pa skonde ya ku ta trata di akusashonnan falsu tin den su kontra.

Na momentu ku Pedro Castillo a kaba di keda interogá ela keda eskolta bek pa Palasio presidensial bek pa un kantidat di agente polisial.

Juan Silva eks minister di Transporte i Komunikashon ku tambe ta forma parti di su gobiernu tambe ta bou di investigashon den mesun kaso di korupshon aki.