Pedro Castillo for di prizon a manda mensahe ku elo no ta bai renunsia

LIMA – Pedro Castillo ayera ta hasi eksaktamente un siman ku ela kai sera i ku a manda un mensahe pa su pueblo Peruano for di prizon ku yamas elo renunsia di e kargo.
For di prizon Pedro Castillo a ordená polis i militarnan pa stòp di mata i ataka e pueblo ku tin nan derecho pa manifestá i protesta kontra e inhustisia ku a enkarselá sin ningun motibu.
E pueblo ta manifestando na 13 di e 24 estadonan ku tin na Peru i te kune momentunan aki tin shete hende a pèrdè nan bida i sentenares ku a resultá herida i detené.
Pedro Castillo ta den prizon ne momentunan aki debí ku ela trata na destitui miembronan di Kongreso ku tabata investig’é.
Na momentu ku Kongreso a destituí Pedro Castillo komo presidente di Peru mesora a aktivá Dina Boluarte pa asumí presidensia.
César San Martín ku ta e mesun wes ku a kondena eks presidente Alberto Fujimori na 2009 ta atendiendo ku e kaso di Pedro Castillo.
Dina Boluarte ta buskadó pa negoshá ku Kongreso di Peru pa adelantá elekshon general di yüli di 2026 pa aprel di 2024.