Pauletta ta hasi politika barata den ousensia di Minister di Salú Publiko

WILLEMSTAD. Skuchando e parlamentaria sra. Ana Maria-Pauletta urgiendo minister Dorothy Pietersz-Janga pa hasi e tramitenan nesesario pasobra kuido ta konfundi e ta urgi e minister di Salú Publiko sra. Dorothy Pietersz-Janga pa hasi e tramitenan nesesario, pasobra kuido ta den peliger, ta konfundi e siudadano un poko.
Na su humilde opinion sra. Ana-Maria Pauletta ta bon na altura kual ta e prosesonan na momento ku kisas tin problemanan den e sektor di kuido i/of ora un minister ta den eksterior.
Na momento ku un minister ta den eksterior pa trabou semper tin un minister ta remplasa e minister konserni.
Alabes e parlamentario sra. Ana-Maria Pauletta por hasi uso di su derechi komo parlamentario pa huntu ku demas kolega yama un reunion di komishon figo di Salu Publiko pa trata su preokupashon.
Banda di esei CMC tin su management team ku ta responsabel pa e CMC hospital.
Dia 24 juni 2022 ultimo e 4 paisnan den reino Ulandes (Ulanda, Korsou, Aruba i St. Maarten) a haña otro pa traha riba diferente aspekto pa loke ta trata –
· kolaborashon na momento di krisis,
· maneho di prevenshon,
· mehoransa i kolaborashonan entre hospitalnan,
· subi kalidat di kuido,
· estudio di personal i IHR. Tambe a risibí e konseho di e Nederlandse Zorgautoriteit tokante hasimentu sostenibel di Curaçao Medical Center (CMC), den e di tres kuartal lo suministrá e rekomendashonnan di un evaluashon i un plan di implementashon.
Sin lubida ku e 12,5% ku tambe mester wordu resolve pa loke ta trahadonan di CMC.
Gobiernu Ruggenaath den 4 aña a minimalesa e problemanan di CMC, i awe ta ferwacht ku e minister nobo tin ku solushona den un fregá di wowo.