Patrick Newton di RDK ta enfatisá: Refineria di Kòrsou ta bira operashonal e aña aki

WILLEMSTAD – E ana aki Refineria di Kòrsou tabira operashonal. Asina Patrick Newton, direktor interino di Refineria di Kòrsou, ta bisa ku firmesa. RDK lo start mesora ku hasi Bullenbaai operashonal, segun Newton. Mester realisa ku e refineria ta para ketu 4 aña i hasta prome ku PDVSA a sali, debi ku no por a dispone di krudo.
Patrick Newton a sigi bisa ku Caribbean Petroleum Refinery (CPR), ta inverti 650 mion dollar pa reparashon i revishon di tur e plantanan di e Refineria. ‘Nos lo bai start e refineria e aña aki i e aña aki mes ta tuma hende den servisio’. E direktor interino di RDK a referi na e kampaña di registrashon ku tabatin pa haña sa kuantu hende di fishi tin disponibel pa traha pa e kontratistanan na refineria. ‘‘Tabatin un entousiasmo enorme. A tuma luga un analisashon di kuantu hende di fishi tin i pronto lo hasi e resultado konosi’.
Refinerianan ta gana bon plaka awendia, e merkado a kambia i tin mas demanda ku tin produkshon. Segun Newton, tin menos kompetensia ta hasi ku e gross refining margen di nos refineria mas ku dobel. Ta pesei tin interes pasobra por gana plaka ku nos refineria. No ta asina ku nos ta para lomba kantu di muraya. Nos refineria ta kla pa start. Ta un refineria kompleto i nos ta traha hopi produkto .
Tin skarsedat enorme di afsalt, tin skarsedat grandi di fuel ectera, i epreisnan ta altu. Esun ku ta run e refineria ta gana sen. Ta pesei hamas nan lo keda sin start e refenineria.
Despues ku e refineria ta drai atrobe, lo dura entre 1 i 1 aña i mei pa e refineria ta opera na su kapasidat máksimo. E tempu aki ta nesesario pasobra mester hasi hopi reparashon. I ta importante pa kuida e assetnan, Newton ta remarká. ‘CPR tin un plan bon i detayá kon ta start e planta.’