Pastor venezolano na Argentina a disparsé ku $20.000 ku ela fia serka fielnan di su parokia

BUENOS AIRES – Monseñor Carlos Malfa obispu di Chascomús Argentina a emití un komunikado riba desaparishon di un pastor venesolano identifiká komo Luodovis Enrique Navarro León ku tabata establesé pa algun tempu kaba na e lokalidat di Maipú.
Informashon ku tin ta ku pastor Luodovis Enrique Navarro León tabatin kasi kuater aña enkargá ku e parokia Nuestra Señora del Rosario.
Ta parse ku pastor Luodovis Enrique Navarro León lo a fia un montante bastante grandi di aproksimadamente $20.000 serka algun di e fielnan ku tabata asistí na su parokia ku frekuensia.
E intenshon supuestamente ku Luodovis Enrique Navarro León tabatin ta pa kumpra un outo pa e por kumpli ku su kompromisonan.
Monseñor Carlos Malfa a bisa ku for di dia 7 di yüni pastor Luodovis Enrique Navarro León a disparsé i te awe ningun hende no a tende nada mas di dje.
Outoridatnan na Argentina tin sospecho fuerte ku pastor Luodovis Enrique Navarro León lo mester a bandoná pais via karetera debí via inmigrashon na aeropuerto su nòmber no a keda registrá.