Partido MAN satisfecho ku maneho finansiero di Minister Gijsbertha

WILLEMSTAD – Direktiva i Miembronan di Partido MAN, a tuma nota di e desishonnan ku Minister Kenneth Gijsbertha a tuma resientemente. Ta trata di un maneho finansiero i fiskal, dirigí na un banda pa garantisá un presupuesto balansá i di otro banda trese poko alivio pa nos pueblo, den e situashon sosial-ekonómiko ménos faborabel ku País Kòrsou ta pasando durante e último dékadanan.