Lokal
PARLAMENTO A REKONOSÉ KU A TUMA E DESISHON PA BENDE 888 KAS DI PUEBLO
WILLEMSTAD – Fundashon E Hende a kuminsa siman ku un kañonaso riba e akshon di e hürdonan di e kasnan di Pueblo den area di Rif (Rifstegengebied Otrobanda) kaminda sr. Omar de Camps, ku ta representá e bario Seru Papaya, tambe a entregá karta, tantu na Gobièrnu i Parlamento.
E desishon aki ta enserá tambe e 566 kasnan di Pueblo den e bario Seru Fortuna, Seru Papaya ! Kasnan porsierto pa motibunan di nan mal konstrukshon i grandura a wòrdu desaprobá (afgekeurd)!
Segun splikashon di e habitantenan di mas edat den e bario di Seru Papaya i Koraal Specht, su mahestad La Reina a pidi pa regalá e habitantenan e kasnan ku entretantu tin 53 aña di eksistensia i pa kolmo nan ta den e mesun estado original.
19 aña pasá a tuma e desishon pa pone 888 kasnan di Pueblo na benta entre nan e 566 kasnan di Seru Papaya ku te bario ku de Camps ta representá.
Kontra tur regla esaki no a sosode pa medio di publikashon di e kasnan na benta den lei.
Konsekuentemente, e habitantenan ku ta biba den e kasnan di Pueblo, sí a sigui paga hür siendo ku nan por a paga riba kompra di e kas.
Pa kolmo no a mantene e kasnan di akii asina e plaser di biba den e kasnan aki a bira hopi menos.
Segun de Camps, representante di minister Charles Cooper, sr. Humprey Davelaar, ta kana plama e notisia inkorekto ku benta di e kasnan di Pueblo entre otro den e barionnan Seru Papaya i Barber no ta posibel.
Por ehèmpel den pasado tur e kasnan di Steenrijk a ser pone na benta i pa medio di un eror, e kasnan ku nan direkshon ta Steenrijkplein no a ser pone na benta.
Esaki tambe mester koregí konforme e desishon di Bestuurscollege na 2003.
……Koraal Specht 2 – Brievengat 3 – Buena Vista 36 Kintjan 3 – Kustbatterij 204 – Marie Pompoen 2 – Seru Fortuna 566 – Steenrijkplein 20 – Suffisant 41 – Berg Dómi doorgangswoningen 14 – Steenmijn 32 – Parera 1