Parlamentario Thode: Rechaso total pa aktitut di Fillipini.. Komishon parlamentario di VVRP ta kondená violashon di maneho Marítimo

WILLEMSTAD – Ta un hecho kondenabel ku e komersiante hulandes Bas Filli[pini a violá lei di Maneho Maritimo ku su proyekto na Pietermaai. Amerigo Thode (MFK), presidente e di e komishon di VVRP den Parlamento ta bisa ku e lei di Maneho Maritimo ta papia di ekologia di pais. Thode ta hopi preokupa kon un hende riba su mes ta disidi pa traha un pier sin tene kuenta ku parti di e laman i entre otro e koralnan di Pais. Mester ta kla pa komunidat, ku no ta trata di un asuntu di konstrukshon, pero violashon di Maneho Maritimo, asina Thode a enfatisá.
Minister di VVRP, Charles Cooper, e siman aki a hasi denunsia na Ministerio Publiko kontra dje komersiante Fillipini pasobra e no a tene su mes na e kondishonnan stipulá den su kontrakt di konstrukshon.
Segun parlamentario Thode, e forma di traha dje komersiante ta okashona daño na ekologia di pais, loke ta un situashon hopi grave. Thode:” Bo tin permit pa refuerso di kosta i ta esei bo mester a hasi’’. E permit ta indika kon tur kos mester ta relashona ku e kustversterking i no mester traha un pier kompletamente den laman i mata tur e bestianan.
Parlamentario Thode ta mustra riba e hecho ku e komersiante mester a entrega e plan por eskrito na Maneho Martimo kon e ta bai ehekuta e proyekto di refuerso di kosta, pero Filllipini no a hasie. Na di dos luga, segun Amerigo Thode, mester a perkura pa e tin supervishon di un ofisina di arkitekto ku tin supervishon riba e ehekushon. Esaki tampoko no a sosode, segun e parlamentario. E presidente di e komishon di VVRP den Parlamento ta resumi ku tabatin supervishon, raportaje por eskrito kon e planifikashon tampoko no tabatin un buro di ingeniero pa hasi kontrol. ‘A skoge pa traha pa loko’.
Amerigo Thode tambe ta komparti e ponensia ku for di komienso mester a interveni den e kaso di violashon di lei aki. E ta imagina su mes e situashon kaminda ku gobièrnu a warda e dokumentonan drenta, pero esei no a sosode, ku konsekuensia ku e violashon di lei a tuma luga.

KIKO AWOR
Relashona ku e akshon ku e Komishon di VVRP den Parlamento ta bai tuma relashona ku e kaso aki,ku e kaso aki, parlamentario Thode a bisa ku e ta bai reuni ku minister Charles Cooper, pa delibera riba e kaso. Mester determina awor segun , kiko ta bai bira e solushon, den e kaso aki.