Parlamentario Aukje de Vries: Profundamente frustrá ku nos gobernantenan

WILLEMSTAD. Señora Aukje de Vries di VVD tin e kartera di e relashon ku e islanan di Reino den Karibe for di mart.

Pero ela frustra kaba di mira kon mandatarionan dje tres paisnan den Karibe kontinuamente ke re-negoshá i pone traba riba loke a palabrá masha ten.
Un par di ehempel di ultimamente: despues di hopi konsulta a logra un kompromiso riba e Areglo di Disputa.
Awor ku e Areglo ta den Senado ulandes pa nan evaluá, Aruba no ke papia mas riba dje i Kòrsou ku Sint Maarten ta sigi Aruba su ehempel (manera karné).

Pe parlamentaria di VVD, esei no ta koperashon i konfiansa mutuo entre sosionan den Reino.
Aukje de Vries a ekspresá e speransa ku mandatarionan di nos pais lo probechá dje oportunidat pa hasi kos positivo pa e habitantenan di nos pais ku e sosten finansiero.