Paris Hilton lo usa 10 bistí durante 3 dia di selebrashon di kasamentu

Paris Hilton tin plania pa selebra su kasamentu di un manera tur’afo. Den un entrevista ku Entertainment Tonight Show ku e presentado Jimmy Fallow, e famoso strea di reality show a splika ku su selebrashon lo dura sigur tres dia, di kual e lo mester kambia di paña i usa sigur 10 bistí.
Segun Hilton, e preparashonnan pa su kasamentu ta kanando duru i esaki ta dune bastante strès. “Mi tin asina hopi pa hasi ainda, pero unikamente e parti di vistuario so mi tin mas o menos bou di kontrol”.
E tambe negoshante, modelo i Dj a disidí ku e kier realisa un reality-serie di hinter preparashon, seremonia i sele-brashon di su kasamentu ku Carter Milliku Reum i lo kier yama esaki “Paris in Love”. Hilton i Reum (tur dos di kuarenta aña) ta den relashon for di 2019 i durante selebrashon di e ‘Reina di Paranda’ su hasimentu di aña, nan a partisipá e notisia di kasamentu na invitadonan i nan fanatikada.